Колумбиянын Богота шаарында ЮНЕСКО уюмунун комитетинин мамлекеттер аралык бейзаттык маданий мурастарды сактоо сессиясы өтүп, ар кыл номинациялар каралган.
Кыргыздардын ак калпагын жасоо өнөрү жана кийүү маданияты ЮНЕСКОнун маданий мурастар тизмесине кирди. Бул тууралуу экс-депутат, коомдук ишмер Карганбек Самаков жеке баракчасы аркылуу кабарлады.
Эске салсак, буга чейин Карганбек Самаковдун демилгелери менен ЮНЕСКОнун материалдык эмес маданий мурастары тизмесине кыргыздын ала-кийизи, шырдагы, боз үйү жана Манас, Семетей, Сейтек үчилтиги катталган.
