Эркин жана жайдары жашоо тартуулаган Улуу Жеңиш майрамы куттуу болсун!
Аталардын эрдиги, энелердин эмгегинин аркасы менен биз ачык асман алдында жана бейпил заманда жашап жатканыбызга 75 жыл болду. Эркин жашоо, нур заманга жол ачкан баатырлар калк арасында түбөлүк өчпөс болуп кала берет. Ар бир кыргыз жүрөгүндөгү жалындаган от, тайманбас айбат кандай каршылык болбосун Жеңишке гана жетерин бул күндөр да далилдейт.
Урматтуу кыргызстандыктар, ар бириңиздин коломтоңуз алоолоп, түндүгүңүздөн кут себелеген берекелүү турмуш ээси болушуңузга тилектешпиз.
Элибизде кубанычтуу күндөр көп болуп, Сүйүнчү гана жаңырып турсун!
